18 Wierfelen, 14 Stëfter an 3 Spiller

An dësem Beitrag geet et em 3 Wierfelspiller, Nochmal!, Ganz schön clever an Doppelt so clever, déi vu Schmidt Spiele verëffentlecht gi sinn. No enger Beschreiwung vun deenen eenzele Spiller gëtt et dann eng Zesummefaassung, déi iech hëllefen soll dat perfekt Spill fir är Grupp ze fannen. 

Den Ufank mëscht Nochmal! vum Inka a Markus Brand, ee Spill fir 1-6 Spiller. D'Spill besteet aus 6 Wierfelen, dräi schwaarzer mat Zuelen an 3 wäissen mat Faarwen. Ausserdeem sinn 6 Stëfter an e Blog mat Ziedelen enthalen. All Spiller kritt e Blat an e Stëft.

Den éischte Spiller fänkt un a wierfelt déi 6 Wierfele gläichzäiteg. Aus dëse 6 Wierfelen duerf all Spiller sech eng Kombinatioun aus engem Faarwwierfel an engem Zuelewierfel eraussichen. An deenen éischten 3 Ronnen sicht jidderee sech gläichzäiteg Wierfele eraus also kann et och dozou kommen, dass 2 Spiller sech déi selwecht eraussichen. Ab der 4ter Ronn sicht sech dann ëmmer dee Spiller dee gewierfelt huet fir d'éischt eng Kombinatioun aus 2 Wierfelen. Déi aner Spiller duerfen sech da just nach eng Kombinatioun aus de rechtleche 4 Wierfelen eraussichen. 

Mee wat genau mëscht een elo mat deenen Wierfelen? Op de Blieder ass eng Aart Tabell mat 15 Spalten an ville verschiddenen faarwege Felder. Déi Kombinatioun aus engem Zuelen- an engem Faarwwierfel gëllt et elo do anzedroen. Dozou ginn et awer puer Reegelen:

• Et muss een ëmmer genau souvill zesummenhänkend Felder vun der Faarw ukräizen, déi och um schwaarzen Zuelewierfel steet. Dat heescht wann een eng 5 huet an awer nëmmen nach 3 blo Felder iwwereg bleift kann een déi 5 net dofir notzen. Et duerf een keen Feld ze mann oder ze vill ukräizen.
• Dat alleréischt Feld, wat een ukräizt, muss an der Spalt H sinn. Déi Felder dono mussen entweder och an der Spalt H sinn oder awer un ee Feld, wat schonn ugekräizt ass, ustoussen. 
• Bei engem ? um schwaarze Wierfel kann een sech eng Zuel aussichen. Bei engem schwaarzen X um wäisse Wierfel duerf ee sech eng Faarw aussichen. All Spiller huet awer just 8 Joker, also duerf een maximal 8 mol een vun deenen zwee Symboler wielen.

 D'Spill ass eriwwer soubal een Spiller all Feld vun 2 Faarwen ugekräizt huet. Wann een eleng spillt ass Spill no 30 Ronnen eriwwer. 

Um Enn vum Spill ginn dann nach Punkten ausgewäert: Dee Spiller deen eng komplett Spalt als éischt ugekräit huet erhält déi iewescht Punktzuel, déi ënnert dëser Spalt steet. All déi aner Spiller kennen just nach déi ënnescht Punktzuel erhalen, wann si et packen d'Spalt komplett unzekräizen. Ähnlech ass et bei de Faarwen: de Spiller deen als éischt all Feld vun enger Faarw ugekräizt huet erhält 5 Punkten, déi aner just nach 3 Punkten. Fir all Feld mat engem Stär, dat een net ugekräizt huet erhält een Strofpunkten; also -2 pro Stär. Fir all Joker deen een net notzt kritt een zousätzlech ee Punkt. 

Gewonnen huet de Spiller mat deene meeschten Punkten. 

Ganz schön Clever an Doppelt so Clever sinn zwee Spiller vum Wolfgang Warsch an sinn fir 1-4 Spiller. Vu dass et sech em eng Fortsetzung handelt enthalen béid Spiller dat selwecht Material: 6 Wierfelen, 4 Stëfter an jeeweils e Block mat Blieder. 

De Prinzip vun deenen zwee Spiller ass och de selwechten, et ginn just Ënnerscheeder an der Faarw an an den Aktiounen vun deenen eenzele Wierfelen. Den aktiven Spiller wierfelt déi 6 Wierfelen. Hie sicht sech een eraus an dréit déi passend Zuel an de virgesinnenen Deel vum Blat an. All Wierfel, deen méi eng kleng Zuel weist, muss hien op de sëlweregen Plateau leen. Déi Wierfelen kann hien net méi notzen. Mat den iwwreg bliwwen Wierfele widderhëlt hien dat ganzt nach 2 mol an leet zum Schluss déi iwwreg Wierfelen och op den Plateau. Déi passiv Spiller, also all déi di net gewierfelt hunn, sichen sech elo gläichzäiteg e Wierfel vum sëlweregen Plateau aus an droen des Zuel bei sech an. Ziel ass et bei deenen zwee Spiller méiglechst vill Punkten ze kréien.  

Hei dann elo déi passend Aktiounen zu de Wierfel aus Ganz schön Clever: 

• Giele Wierfel: Beim giele Wierfel kräizt een einfach déi entspriechend Zuel am gielen Feld un, déi de Wierfel weist. D'Punkte kritt ee fir eng komplett ugekräizte Spalt.
• Orange Wierfel: Hei duerf een déi entspriechend Zuel am eischte Feld vum orange Beräich androen. Fir Punkten ginn Zuelen duerno einfach zesumme gezielt.
• Grénge Wierfel: Beim grénge Wierfel kann een all Zuel, déi mei grouss ass, wéi déi déi uginn ass androen. Dofir fänkt een och am eischte Feld un a schafft sech weider. D'Punkten ginn einfach stinn dann iwwert deem leschte Feld, dat een ausgefëllt huet.
• Moofe Wierfel: Hei fänkt een och nees lenks un mat androen. Wichteg ass dass Zuelen an opsteigender Reiefolleg do stinn. Dobäi duerfen d'Zuelen iwwersprongen awer net duebel agedroe ginn. No enger 6 kann een erëm mat enger 1 ufänken.
• Wäisse Wierfel: De wäisse Wierfel ass een Joker an kann fir all Faarw genotzt ginn.
• Bloe Wierfel: Bei d'Zuel vum bloe Wierfel gëtt ëmmer bei déi vum wäisse Wierfel dobäi gezielt, egal wou dëse läit. D'Somme kräizt een dann am bloe Beräich un.

Hei dann elo déi passend Aktiounen zu de Wierfel aus Doppelt so Clever: 

• Giele Wierfel: Beim giele Wierfel  emkreest een fir d'éischt eng vun de passenden Zuelen. Wierfelt een nach eemol déi Zuel mam giele Wierfel kräizt een se un. D'Punkte kritt ee nëmmen fir ugekräiztes Zuelen.
• Rosa Wierfel: Hei duerf een déi entspriechend Zuel am eischte Feld vum rosaen Beräich androen. Fir Punkten ginn Zuelen duerno einfach zesumme gezielt. Déi Bedingung, déi an de Felder steet, ass nëmmen wichteg fir de Bonus ze erhaalen.
• Grénge Wierfel: Beim grénge Wierfel kann een all Zuel androen. Déi Zuel gëtt awer direkt mam entspriechende Koeffizient multiplizéiert. Zwëschen 2 grénge Felder steet emmer een Minus. Fir Punkten rechent een déi zwou Zuelen also vun eneen of.
• Groe Wierfel: Wann een de groe Wierfel wielt, duerf een ee Feld mat der entspriechender Zuel am groe Beräich ukräizen. Ausserdeem kann een fir all Wierfel, deen een duercht Auswielen vun deem groen weg leen muss, déi jeweileg Zuel am groe Beräich ukräizen. Opgepasst: Wielt een de groe Wierfel als 3ten, duerf ee just déi Wierfel, déi eng méi kleng Zuel uweisen, ukräizen!
• Wäisse Wierfel: De wäisse Wierfel ass een Joker an kann fir all Faarw genotzt ginn.
• Bloe Wierfel: Bei d'Zuel vum bloe Wierfel gëtt ëmmer bei déi vum wäisse Wierfel dobäi gezielt, egal wou dëse läit. D'Somme gëtt am bloe Beräich agedro. Wichteg ass hei, dass Zuelen ofsteigend mussen sinn. Anescht wei bei Ganz schön Clever, gëtt et hei keng Zuel, no der een ërem vu vir ufänken duerf. 

 FAZIT: Wei een vun deenen 3 Spiller ass dann elo besser? Dozou gëtt et net direkt eng Äntwert. Ech fannen déi 3 Spiller richteg cool an si kommen ëmmer ganz gutt un. Wann een éischter eppes ganz entspannendes spillen well géing ech definitiv Nochmal! empfeelen. Wann een dann awer bësse gefuerdert well ginn, sinn déi aner 2 méi staark. Fir Ufänger an deem Genre géing ech och Nochmal! empfeelen, duerno Ganz schön so Clever. Doppelt so Clever ass zwar och richteg spaasseg, awer eben och en Tick méi schwéier.