Spannend Fäll, coolt Material a grouss Spillpläng

Am Escape Room - das Spiel vun Noris Spiele gëtt anescht wei bei deene meeschten Escape Room Spiller eng Grondbox benéidegt. Wat déi verschidde Fäll ubelaangt bitt Escape Room - Das Spiel vill Ofwiesslung: An der Grondbox fannt dir e klasseschen Ausbroch aus dem Prisong,  en Azteken Tempel, en déidleche Virus an ee Nucleare Countdown. Zousätzlech kann een sech Erweiderunge kafe wou dir vum Zänndokter, an d'Weltall bis hin an ee Vergnügungspark andauche kennt.

Doranner fannt dir ee Chrono Decoder, vill verschidde Schlësselen a 4 verschidden Escape Rooms. All Fall ass an 3 Deeler opgedeelt. D'Material fir all Deel fannt dir an enger Enveloppe, sou dass een net iwwert de Recht vum Fall gespoilert gëtt. Meeschtens fënnt een an der éischter Enveloppe eng grouss Map, soudass d'Spill ideal fir grouss Gruppen ass. 

Fir all Deel muss een eng Kombinatioun aus 4 Schlësselen eraus fannen, déi an de Chrono Decoder aginn a op d'Signal lauschteren. Falls de Code richteg war kann een déi nächst Enveloppe op maachen. Um Chrono Decoder selwer sinn ee puer Elementer fir d'Entschlëssele vu Geheimsproochen an et gëtt een Timer deen uweist wei vill Zäit engem nach verbleift. Bei all Fall fannt dir zousätzlech zu den Enveloppen nach Kaarte mat Hiweiser, déi dir iech no enger gewëssener Zäit ukucken duerft. 

Klengen Tipp: Loosst iech op all Rätsel an. Et ginn e puer kleng Rätselen déi net klassesch sinn, wou een sech oft denkt: Dat kann net sinn. Ma meeschtens iwwerrascht Spill iech domadder.